Еу мæгур лæг кустфæлладæй
цъæх зæлдæбæл фæххустæй.
Еу афони æригъал æй,
ракастæй дин æ цæстæй.
Сау калми æ зæрди сæрбæл
хусгæ уинуй тумбулæй.
Фæндæ кæнуй фезмæлунбæл,
резуй тæссæй, зир-зирæй.
«Ку фезмæлон — фезмæлдзæнæй,
æ фезмæлд мин — фидбилиз.
Ку не’змæлон — не’змæлдзæнæй,
æ не’змæлд мин — зæрди нез».
Ракæсæ, — уæхæн бæллахæй
не’ригъал ун хуæздæр æй.
Ма кæсæ — уæхæн фæйнунæй
не скæсун дæр хуæздæр æй.
Автор: БАГРАЕВ Созур