Сæ фæллад уадзунцæ,
хъуритæ кæнгæй.
Цæстæбæл гъазунцæ,
фунтæ рауингæй.
Имисæн не’гурцæн
æвддæсæймаг анз,
куд адтæй не’хсирфæн
дзæбокæ агъаз.
Куд лигъдæй зад хумæй
нæ гъолон хæрæг.
Мæстгунæй ба’рхун æй
æ фæндон хуæрæг.
Уæд нæ ниццавтонцæ
нæ фидхуæргутæ.
Æртитæ цагътонцæ
нæ ирд цæститæ.
Скодта син дзæбокæ
æфсæйнаг цъодта.
Æхсирф син се’уонгтæ
рахаун кодта.
Нур фæллад уадзунцæ,
хъуритæ кæнгæй.
Цæстæбæл гъазунцæ
фунтæ рауингæй.
***
Сæ фæллад уадзынц,
хъæбыстæгæнгæ.
Сæ цæстыл уайынц
сæ ивгъуыд фынтæ.
Сæ райгуырд мысынц,
нæ æвддæсæм аз,
куыд хоста 'хсырфы
нæ дзæбуг алаз.
Куыд лыгъдис хуымæй
пæ хъулон хæрæг.
Мæстджын, æрхуымæй
йæ хъиутæхæрæг.
Уæд нæ ныццавтой
йæ фыдхæрджытæ.
Æртытæ уагътой
нæ ирд цæстытæ.
Ысцагъта дзæбуг
æфсæйнаг цъутта.
Æхсырф сын се онг
æрхауын кодта.
Ныр фæллад уадзынц,
хъæбыстæгæнгæ.
Сæ цæстыл уайынц
сæ ивгъуыд фынтæ.
Автор: БАГРАЕВ Созур