Æртахтæнцæ зæрбатгутæ зæрдæрохсæй нæ бæстæмæ,
фæззардтонцæ борæмæлгъæй рæсугъддæр.
Игъустон они зарунмæ — фæммæстгун дæн
мæ гъостæмæ —
сæ дзурдтæ син нæ ниййахæста мæ сæр.
Нæ уалдзæгæн йе ‘рхæсгутæн ке бæзтæнцæ
сæ фæндитæ,
нæ зонгæй дæр бæрæг адтæй мæ зæрдæн.
Ку зудтайнæ се’рдигонау, ку лæдæрдтайнæ
сæ дзурдтæ —
мæ раст æмбес æрхастайнæ нивондæн.
***
Зæрватыччытæ 'ртахтысты зæрдæрухсæй нæ бæстæм дæр,
фæзарыдысты булæмæргъæй рæсугъддæр.
Фæхъуыстон сын сæ зарынмæ — мæ хъустæм уæд фæмæсты дæн —
сæ дзырдтæ сын нæ рацахста мæ буц сæр.
Нæ рагуалдзæг æрхæсджытæн кæй бæззыдысты се 'гъдæуттæ,
бæрæг уыд уый æнæ уый дæр мæ зæрдæйæн, мæ зондæн.
Куы зыдтаин се 'рдыгонау, куы 'мбæрстаин сæ ныхæстæ —
мæ раст æмбис æрхастаин нывондæн.
Автор: БАГРАЕВ Созур