О нæ зумæг, нæ зумæг,
ци даргъ ниццæй дæ думæг?
Æнæсцохæй ку уарис.
Æнæ тиллæг, æнæ сог —
ку нæбал косуй нæ тог,
ехæнæй нæ ку марис.
Дæуæй тæрсуй нæ уалдзæг,
кадгин нæмæ’й иуазæг,
цæмæннæ нæмæ’й уадзис?
Ку нин зонис нæ рæстæг,
ду ку нæ дæ нæ хæссæг —
цæмæннæ нæ ниууадзис?
***
О, нæ зымæг, нæ зымæг,
цы даргъ ныцци дæ дымæг?
Æнæсцухæй куы уарыс,
Æнæ тыллæг, æнæ суг —
куынæ уал кусы нæ туг.
Ихæнæй нæ куы марыс.
Дæуæй тæрсы нæ уалдзæг,
Кадджын нæм у уый — уазæг,
цæмæннæ нæм æй уадзыс!
Куы нын зоныс нæ рæстæг,
ды куы нæ дæ нæ хæссæг —
цæмæннæ нæ ныууадзыс?
Автор: БАГРАЕВ Созур