Идзулд адтæй мæ хæстæг,
ку бацудтæн уæрдунæй,
æнгъæлдзау к’уа ируст лæг,
уæд баходуй мур-мурæй.
Куд иссонт дæн цæф сирдау, —
хъурмæ адтæн мæ незæй,
ниххæццæ дæн рагацау
нæ молломæ фæдесæй.
Мæлгæ кодтон ехæнæй,
мæ еу къах дæр басудæй.
Никкудтæн ин зæрдбунæй:
«Дæ агъаз мæ багъудæй».
«Мабал тæрсæ дæ одæн,
гъоги къах уæс нæ маруй».
Уæззау уæр ин æ дзиппæн, —
лæгъуз хуастæ нæ даруй.
Бадардта мин содзгæ марг
сурх сæкæрбæл æнтудæй.
Мæ аст соми ‘ма мæ карк —
дæдтун ин сæ нæ гъудæй.
Автор: БАГРАЕВ Созур