Сирдау нæ бæстæбæл не знаг æрифсарстæй, —
ма’срезæн тæссæй, ходуйнаг æй резун.
Ма’й уадзæн, фæсевæд гъæрздзæнцæ уой мастæй,
райсорæн, не’рагъмæ ‘й ма суадзæн хезун.
Гъæрзуй нæ бæсти хай, нæ зæнхæ, нæ мадæ;
фурттæн ходуйнаг æй, — ергъæвмæ цæуæн.
Гъæрзгæ’й куд ниууадзæн, — уодзæй нин æгадæ,
фæлтау нæ циргъ кæрдтæй бæрзæйтæ цæвæн.
Цæвæн сæ — хуæддзоти отæ ку ниууадзæн,
уæд нин фидæй-фуртмæ цъирдзæнцæ нæ тог.
Цæвæн сæ, — не’фхуæрдæн бухсун ку фæразæн,
уæд нин фæззин уодзæй, фефсердзæй не’онг.
Автор: БАГРАЕВ Созур