Хори тæфæй лигъз будурти
фонси хезнæ фæббор æй,
фонси къуæрттæ бон-изæрмæ
не схезунцæ нæ донæй.
Гъæди хурфи биндзи хуæстæй
гъæддзауи гал æстъæлфуй,
хъйамæтгун лæг йе ‘фхæлд къохæй
тарст гали рагъ æрсæрфуй.
Не’гуæрдæнти, арф кæрдæги
зеууæнтти гъæр игъусуй,
сатæги син тъæпæнæги
хуари къумæл имисуй.
Иннердигæй мæнæути дæр
не’фсæдунцæ кæрдунæй.
Æллæх-æллæх, се’хсирфи гъæр
æнтæфи дæр тухгин æй.
Бæлæути къуар бæкъуæлтæмæ
ку’ртæхунцæ пæр-пæрæй, —
се ‘рæмбалдæй сурх мæнæутæ
нигъзæлунцæ гæр-гæрæй.
***
Хоры тæфæй лæгъз быдырты
фосы хизæн фæфылдæр,
фосы къордтæ бон-изæрмæ
доны бадынц бæлвырдæй.
Хъæды хуылфы бындзы хæстæй
хъæддзауы гал æстъæлфы,
хъаймæтджын лæг йе 'фхæлд къухæй
тарст галы рагъ æрсæрфы.
Угæрдæны, арф кæрдæджы
зиууæтты хъæр куы хъуысы,
сатæджы сын тъæпæнæджы
хоры къуымæл æнтысы.
Иннæрдыгæй мæнæуты дæр
нал æфсæдынц кæрдынæй.
Æллæх, æллæх, се 'хсырфы хъæр
æнтæфы дæр тыхджынæй.
Бæлæтты къорд сæ мæкъуылтæм
куы 'ртæхынц, куы, пæр-пæрæй, —
сæ рамбæлдæй сырх мæнæутæ
нызгъæлынц-иу гæр-гæрæй.
Автор: БАГРАЕВ Созур