Нæ гъизт зумæг гъезæмарæ’й,
æдзох нæбæл уарунгарæй
мабал цæуæд дæ нæгæ.
Æнгъæлдзау лæг нæ фæллайуй,
фал не ‘нгъæл нæ ку фæссайуй, —
фæццæй мæлуй нæ уæгæ.
Нæ гъизт зумæг, нæ тухст зумæг!
Ниннæуадзæ дæ хуарзæнхæй,
ранæуадзæ хумæмæ.
Нæ мулкгин лæг, нæ зæнхгин лæг,
ма нæ сорæ дæ хуарз зæнхæй,
нæ дин комæн хурæмæ.
Нæ гъизт зумæг! Ниббухстан дин,
нур абони дæ фацъæхст дæ,
æнгъуд дин ес рæтигъдмæ.
Нæ зæнхгин лæг! Фæффистан дин,
нæ хедгун кустæй ферхуæстæ —
мабал бæллæ нæ фидмæ.
***
Нæ хъызт зымæг хъизæмары,
æдзухæй ныл уаргæ-уарын
мауал хъæр кæн дæ уадæй.
Æнхъæлцау лæг нæ фæллайы,
фæл' йе 'нхъæл æй куы фæсайы, —
фæцæймæлы фæлладæй.
Нæ хъызт зымæг, нæ тыхст зымæг!
Ныууадз-ма нæ дæ хорзæхæй,
рауадз-ма нæ цæй хуыммæ.
Нæ мулкджын лæг, нæ зæхджын лæг,
ма нæ сур, ма, дæ хорз зæххæй,
нæ дып комæм, тæвд хурмæ.
Нæ хъызт зымæг! Ныббыхстам дын,
ныр абоны дæ фатæхст дæ,
æмгъуыд дын ис рæтыгъдмæ.
Нæ зæхджын лæг! Фæфыстам дын,
хидкалгæ куыстæй сау хæстæ —
мауал бабæлл нæ фыдмæ.
Автор: БАГРАЕВ Созур