О нæ фæсевæд, уæ уаргъ исистайтæ,
нур ма бауагътæ уæхе ниннæхсун.
Бартæ байстайтæ, фал уаргъ куд хæсдзиайтæ?
Уаргъ устур уаргъ æй, зин æй æ хæссун.
Еу искодтайтæ уæ хъаурæ, уæ фæндæ,
хъалтæ резунцæ тæссæй уæ уиндæй,
нур агорунцæ сумахмæ рæуæнттæ,
хъалтæ косунмæ цæттæ’нцæ зундæй.
Тагъд фæххуæцетæ сумах кæрæдзебæл,
хъалти ма’руагътæ уæхемæ хæстæг,
ард бахуардтайтæ ‘ма цурд, æнæ дзебæл —
тагъд æзмæлетæ, цæуй уæ рæстæг.
О, нæ фæсевæд, уæ уаргъ исистайтæ,
уаргъ устур уаргъ æй, зин æй æ хæссун.
Ном æнæмæлгæ сумах искодтайтæ,
нур ма бауагътæ уæхе ниннæхсун.
***
О, нæ фæсивæд, уæ уаргъ сымах систат,
ныр ма бауадзут уæхи нынныхсын.
Бартæ байстат, фæлæ уаргъ ныр куыд хæссат?
Уаргъ æстыр уаргъ у, зын у йæ хæссын.
Иумæ æсбастат уæ хъару, уæ фæндтæ,
тарст хъалтæ ризынц уæ иунæг уындæй,
Абон уæм агурынц къухбакæнæнтæ,
хъалтæ кусынмæ цæттæ сты зондæй.
Тагъддæр уæ кæрæдзийæн ут æххуысхъом,
ма 'руадзут хъалты уæхимæ хæстæг,
ард бахордтат æмæ цырд, æнæ сом-сом
тагъддæр æзмæлут, бæрцæй уын рæстæг.
О, нæ фæсивæд, уæ уаргъ сымах систат,
уаргъ æстыр уаргъ у, зын у йæ хæссын.
Ном æнæмæлгæ уæхицæн æскодтат,
ныр ма бауадзут уæхи нынныхсын.
Автор: БАГРАЕВ Созур