Нæ раст лæг фæммардæй,
нæ ирон æмбал,
хъазауат искæнгæй
нæ къуари сæрбæл.
Е уадæй нæ разæй
æ фидбилизæн.
Æ мард дæр æгас æй,
æрæй имисæн.
Нæ мастбæл, нæ зинбæл,
хæкъурццæй кæугæй.
Нæ разæй, нæ фæдбæл
æмхузæн цæугæй,
нæ къуарæн е адтæй
сæ уæйуги цонг.
Нæбал æй, басастæй
нæ хуæздæр иуонг.
Фæммардæй, бафедгæй
нæ къуари ихæс;
игъусуй, дзиназгæй,
нæ кæун гъæлæс.
***
Нæ раст лæг фæмарди,
нæ ирон æмбал,
хъазуат æскæнгæйæ
нæ къорды сæрыл.
Уый уади нæ разæй
йæ фыдбылызæн.
Йæ мард дæ;р æгас у,
нæ ферох уыдзæн.
Нæ мастыл, нæ зыпыл
хæкъуырццæй кæугæ,
нæ разæй, нæ фæдыл
æмхуызон цæугæ,
Нæ къордæн куы уыди
йæ уæйыджы цонг,
ныр нал и, фæхъуыди
нæ дзæбæхдæр уонг.
Фæмарди, бафидгæ
нæ къорды зын хæс;
ныр хъуысы, дзыназгæ,
нæ кæуып хъæлæс.
(Сау хъæд)
Автор: БАГРАЕВ Созур