Агубекир лæхъуæн ку’адтæй —
мæгур царди’й нæ фæндадтæй.
Фæццудæй нин зæрди фæдбæл
цардагорæг Урусмæ.
Иссердта дзи мудин дзосæ,
бинойнагæн — рæсугъд осæ,
кæдзос дарæс, æ фæндон ин
дзæбæх хуæрдæ, ниуæзтæ.
Рæсугъд уалдзæг зæрди рохсæн.
Фæлмæн батæ — рæсугъд осæн,
æнæгъдау дзурд — æ муггагæн,
нæбал зонуй æ бæстæ.
Фал уайтагъддæр æрзæрондæй:
хæссуйнаг лæг нæуарзон æй,
æрветунцæ’й лæгæмбалæн
сæ дæлбазур къæбисмæ.
Автор: БАГРАЕВ Созур