Хор мæ хъæбæр нæбал тавуй.
Зир-зир кæнуй мæ бауæр.
Мæ дзурд хъурæй нæбал хауй.
Фегъосæ нур мæ сау гъæр.
Геун, гъæрзун нæ цъетебæл.
Кæдзос бæргæ’й æ уæлдæф.
Мæ цард фæцæй нæ дуйнебæл.
Мæлун, кæнун хæстуолæфт.
Æрвист фæдтæн мæ сау бæнттæ,
боз дæр нæ дæн мæ цардæй.
Е дин мæ гъæр, мæ хабæрттæ,
мæлæтмæ цард æрвадæ’й.
Кæнун дин ба фæсаууонмæ.
Цардæй нæййес æфсæдæн.
Цæрун ме’гурцæй абонмæ.
Хуæрзбон фæууо, хъурмæ дæн.
***
Хур мæ рæстмæ куы нал тавы.
Зыр-зыр кæнын — мæ уавæр.
Мæ дзырд хъуырæй куы нал хауы.
Фехъуысы ныр мæ сау хъæр.
Джиуын, хъæрзын нæ цъитийыл.
Хорз бæргæ у йæ уæлдæф.
Мæ цард фæцис нæ дунейыл.
Мæлын, кæнын хæстулæфт.
Æрвыст фæдæн мæ сау бонтæ,
буц дæр нæ дæн мæ цардæй.
Уый дын мæ хъæр, мæ хабæрттæ,
мæлæт бырсы мæнгардæй.
Кæнын дын ба фæсаууонмæ.
Цардæй кæм ис æфсæдæн.
Цæрын мæ 'гуырцæй абонмæ.
Хæрзбон фæу, хъуырмæ дæн.
Автор: БАГРАЕВ Созур