Тогъойти Данелæн
Нæ фагусласæн уæрдун!
Бæргæ ма дæмæ цæгъдун
мæ гæндзæхтæ...
Ку нин зонис, гæлæхха,
нæ бæгънæг хуæнхти заха...
Нæ бæллæхтæ.
Нæ бугъгалæн фиййагæ,
нæ къумсæрфæн уесойнæ
нæ саубæнтти.
Тугъди уаг æвæрагæ,
нæ керменти æнцойнæ
нæ сау гъæдти.
Мах лæгæтти ку цардан,
æрхунæй си ку мардан,
уæд ку бухстæ.
Сæр цæгæтти ку зилдæй,
кæлми бæрцæ ку хилдæй
рехти систæ...
Уæд не’хæстæ ку фистан,
дæу нифси фæрци ку’ссан
æнæ федис.
Нур хæлаурти мæстæй
ду дæ райгурæн бæстæй
цæмæн ледзис?..
***
Тогойты Данелæн
Нæ фаджыс ласден уæрдон!
Бæргæ ма дæм æз цæгъдын.
мæ гæндзæхтæ...
Куы кын зоныс, гæллæха,
йæ бæгънæг хæхты саха...
нæ бæллæхтæ.
Нæ быронкалæн фиййаг,
нæ къуымтæсæрфæн уисой
нæ сау б,онты.
Хæсты уаг æрæвæрæг,
нæ «Кермен»-ы æнцай лæг
нæ сау хъæдты.
Лæгæтты куы цардыстæм,
Æрхуымæй куы мардыстæм,
уæд куы быхстай.
Сæр цæгæтты куы зылди,
калмы бæрц-иу куы хылди
рихи здыхстæй...
Уæд не 'хæстæ куы фыстам,
дæ ныфсы фæрцы куы стæм
æнæ фæдис.
Ныр хæлуарджыты мæстæй
ды дæ райгуырæн бæстæй
дæмæн лидзыс?..
Автор: БАГРАЕВ Созур