Кæс-ма, дзацци, дæ лæппумæ,
искæй номæй чи хæты.
Фенцон æнхъæл бонæй-бонмæ
зындæр зынтæй чи нæты.
Алкæмæн дæр ныллæг дзургæ,
зæрдæ рисгæ чи цæры.
Бастонг уæвгæй, дзул нæ аргæ,
кæд-фæнды дæр чи хæры.
Куы нæ хъуыстон дæ ныхасмæ,
зæрдæвæндыл куы цыдтæн.
Бæллын ныр та дæ фенынмæ.
Нырмæ дæр дæ куы хъуыдтæн.
Уæууай, мæ бон, дæ уæззау рис!
Иунæг æз ма дын куы дæн.
Мæнæй дæ иыфс куынæ уал ис,
раджы куы фæдзæгъæл дæн.
Автор: БАГРАЕВ Созур