Нæ бæстæйыл æрæнцади фырахуыр лæг.
Æрвыст нæм уыд цыдæр хабар зæгъынмæ.
«Æрцæут нæм! — ныхъхъæр кодта нæ фидиуæг. —
Æртымбыл ут нæ дзыуарæн йæ бынмæ.
Нæма федтам хабарæй дæр нæ ахæм загъд,
цы диссæгтæ, цы хабæрттæ фæдзырдта.
Йæ хъæлæсæй йæ дзырдтимæ цы сой фæтагъд,
Æнæмæнгæй дзæвгар фиутæ æууылдта.
Куыд нын дзырдта, куы, арвдзæфæй куыд æмбæхсæм,
æрвгæрæтты цы сау тыхтæ фæзарынц.
Æрвдзæф мæрдты цæсты сыгæй куыннæ æхсæм,
уæд Елятæ фыд æртахæй фæуарынц.
Ныллæг кувгæ уæ хъæубæстыл æрзилдзыстут,
сæрæй кувгæ, уæд афтæмæй куывдæуы.
Цоппай заргæ æлдары зард ныккæндзыстут,
сæрæй кувгæ, уæд афтæмæй куывдæуы.
Автор: БАГРАЕВ Созур