Дзуры сауджын диакъонмæ:
«Мауал ма цæгъд дæ дзæнгæрæг,
нал ис цæуæг бакувынмæ,
макуы фæуæнт æнæзмæлæг.»
Байгом дыуар уаз дзыуарæн,
иунæг ус дзы фæзынд, бецау;
нал ис цырагъ, — нысайнагæн
балæвæрдта æвзист æхца.
Кувы сауджын, — аргъауæгыл
паддзахы ном ысрæдыдæй.
Диакъон та йæ сауджыныл
худы, мæгуыр, къæмдзæстыгæй.
Кувгæ дзуры уæд уыц' ус дæр:
«Адзæбæх уæд нæ сæйгæ лæг.»
Кувгæ дзуры нæ сауджын дæр:
«Адзæбæх уæд, адзæбæх уæд.»
Автор: БАГРАЕВ Созур